Сёння для супрацоўнікаў Мастацкага музея праведзены адзіны дзень інфармавання на тэму «Традыцыйныя каштоўнасці беларусаў: сям'я, грамадства, дзяржава», якая мае асаблівую актуальнасць у сувязі з Тыднем бацькоўскай любові, прымеркаваным да Дня маці (14 кастрычніка) і Дня бацькі (21 кастрычніка).
Падчас размовы намеснік генеральнага дырэктара Ала Санкоўская распавяла, чаму сям'я –гэта падмурак бяспекі і праінфармавала калег аб мерах комплекснай дзяржаўнай падтрымкі, якая аказваецца ў Беларусі сем'ям з дзецьмі.
У сувязі з павелічэннем колькасці выпадкаў махлярства ў мерапрыемстве таксама прыняў удзел прадстаўнік Дэпартамента аховы Ленінскага раёна г. Мінска. Ён распавёў супрацоўнікам музея пра найбольш распаўсюджаныя схемы падману і нагадаў аб правілах бяспечных паводзін, якія дапамогуць не стаць ахвярай зламыснікаў.
Сустрэчу завяршыла серыя пытанняў і адказаў.
Падзеі
Artist-talk з Вячаславам Паўлаўцом
Нацыянальны мастацкі музей Рэспублікі Беларусь
Ухваляйце імя Гасподняе
Нацыянальны мастацкі музей Рэспублікі Беларусь
Канцэрт класа арфы В. Ю. Грабоўскай
Нацыянальны мастацкі музей Рэспублікі Беларусь
Расклад мерапрыемстваў у рамках часовай экспазіцыі “Капсула часу”
Нацыянальны мастацкі музей Рэспублікі Беларусь
частыя пытанні
Дзе я магу прыпаркаваць аўтамабіль?
Бліжэйшыя парковачныя месцы знаходзяцца ўздоўж вул. Карла Маркса (паркоўка платная)
Ці можна знаходзіцца ў музеі ў верхнім адзенні?
Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.
З якімі рэчамі знаходзіцца ў музейных залах нельга?
Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.
Ці можна наведваць экспазіцыю музея з дзіцячай каляскай?
Так, мы рады наведвальнікам узроставай катэгорыі 0+.
Ці ёсць зніжкі на набыццё ўваходнага білета для пенсіянераў?
Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца.
Якія ўмовы створаны для наведвання людзей з абмежаванымі магчымасцямі?
Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63, +375 25 667 78 19.
У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.
Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.
Як мне трапіць на экскурсію?
У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).
Запісвацца неабходна як мінімум за тыдзень да меркаванага візіту па тэлефонах: +375 17 397 01 63, +375 25 667 78 19.
У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.
Сайт выкарыстоўвае cookies. Працягваючы праглядаць старонкі, вы даяце згоду на апрацоўку файлаў cookie і карыстальніцкіх дадзеных.
