Вядомы вузкім спецыялістам і амаль незнаёмы шырокай публіцы беларускі мастак Апалінарый Гараўскі (1833–1900) стаў найцікавейшым прыкладам паспяховай кар’еры мастака XIX стагоддзя – ад сына дробнамаянтковага шляхціца да папулярнага сталічнага мастака. Шырока прадстаўлены на выставах пры жыцці, пасля смерці ён быў забыты. Толькі ў сярэдзіне ХХ стагоддзя намаганнямі беларускіх мастацтвазнаўцаў яго імя вярнулася ў гісторыю мастацтва.
Як можна было патрапіць у сацыяльны «ліфт» і з прадстаўніка засценкавай шляхты стаць акадэмікам жывапісу? Дзе знайсці сродкі на трохгадовае падарожжа па Еўропе, у той час як твае суседзі не выбіраюцца далей за Мінск ці Вільню? Чаму карціны Апалінарыя Гараўскага выстаўляліся на сусветных выставах ад Парыжа да Чыкага?
“Знаёмства” з мастаком, а таксама новыя факты яго біяграфіі – у лекцыі Юліі Лісай, вядучага навуковага супрацоўніка Мастацкага музея.
Лекцыя пройдзе ў галоўным корпусе музея (Леніна, 20). Наведаць яе можна па ўваходным білеце ў музей, папярэдняя рэгістрацыя не патрабуецца.
