Архітэктурная спадчына...кропкі...

Архітэктурная спадчына...кропкі...

Нацыянальны мастацкі музей Рэспублікі Беларусь Галоўны корпус

З 13 сакавіка па 14 красавіка 2025 года Нацыянальны мастацкі музей Рэспублікі Беларусь прадставіць інклюзіўны арт-праект мастака Васіля Зянько “Архітэктурная спадчына...кропкі...”

Канцэпцыя інклюзіўнага арт-праекта “Архітэктурная спадчына... кропкі...” (2024) пабудавана на ідэі своеасаблівага адраджэння страчаных твораў манументальнага дойлідства Беларусі ў аўтарскім жывапісе Васіля Зянько.

У аснову кожнай з 10 арыгінальных тактыльных карцін былі ўзятыя, дайшоўшыя да нашага часу толькі лічбавыя выявы і апісанні культавых забудоў у розных кутках Беларусі, якія ўзводзіліся ў перыяд з 1623 па 1890 год і не захаваліся да нашых дзён.

Цэрквы і саборы, касцёлы і манастыры, цэнтры духоўнага развіцця нацыі, ужо страчаныя, але на стагоддзі велічныя, асабліва натхнілі Васіля, як мастака-манументаліста. За бачнай лёгкасцю ліній і форм на палотнах хаваецца глыбокі сэнс. Мастак захапляецца манументальнай магутнасцю аб’ектаў і адначасова сумуе аб немагчымасці бачыць гэтую моц ужывую.

Паглыбляючыся ў творы жывапісу не толькі візуальна, але і тактыльна, глядач замірае ў гэтай цудоўнай, але забытай для сучасніка запаволенасці часу, каштоўнасці эпох і пакаленняў. Далёка ў мінулае – Пінск, Глыбокае, Мінск, Магілёў, Полацк, Віцебск, Стоўбцы, Смілавічы...Аўтар не ставіць перад сабой строгую задачу, але маляўніча-тонка ўвасабляючы на палотнах архітэктурныя творы, недакучліва абвяшчае: духоўнасць і вернасць спадчыне продкаў – гэта тое, што робіць нас мацней, умацоўвае каноны чалавечнасці і традыцыі, дорыць апоры для руху наперад.

Арт-праект Васіля Зянько “Архітэктурная спадчына...кропкі...” (2024) з’яўляецца чацвёртым праектам у інклюзіўным напрамку творчасці мастака. Усе карціны выкананы ў аб’ёмна-контурнай аўтарскай тэхніцы, даступнай для чытання людзьмі з абмежаваннямі па зроку. На кожным творы шрыфтам Брайля нанесены кароткія апісанні архітэктурных аб’ектаў. А сімвалічнасць кропак гэтага шрыфта ставіць не столькі кропку, колькі сапраўднае шматкроп’е для магчымасцей пазнання нашай гісторыі і культурнай спадчыны людзьмі незалежна ад іх фізічных здольнасцей.

Наведаць выставу можна ў галоўным корпусе музея (Леніна 20, вестыбюль)

1
іншыя выставы
Мастак на вайне. Мастак пра вайну. Мастак пасля вайны
Мастак на вайне. Мастак пра вайну. Мастак пасля вайны

Нацыянальны мастацкі музей Рэспублікі Беларусь

Выпрабаванне “МАЗаў”
Выпрабаванне “МАЗаў”

Нацыянальны мастацкі музей Рэспублікі Беларусь

Вясновая песня Людмілы Мягковай
Вясновая песня Людмілы Мягковай

Нацыянальны мастацкі музей Рэспублікі Беларусь

Адольф Гугель. Аповесць, напісаная фарбамі
Адольф Гугель. Аповесць, напісаная фарбамі

Нацыянальны мастацкі музей Рэспублікі Беларусь

  • 220030, Мінск
    вул. Леніна, 20

  • панядзелак, серада, пятніца - нядзеля

    з 11:00 да 19:00

  • чацвер

    з 13:00 да 21:00

  • аўторак

    выходны дзень

  • Каса і Музейная крама

  • панядзелак, серада, пятніца - нядзеля

    з 11:00 да 18:30

  • чацвер

    з 13:00 да 20:30

  • аўторак

    выходны дзень

  • 223054, Мінская вобласць, Мінскі раён, Астрашыцка-Гарадоцкі в/с, в. Аколіца
    вул. Іванаўская, 17Б

  • серада - нядзеля

    з 10:00 да 17:00

  • Каса

    з 10:00 да 16:30

  • панядзелак - аўторак

    выходныя дні