Амаль 20 гадоў Надзея Аляксееўна плённа і карпатліва працуе ў буйнейшым музеі краіны – выконвае стыль-рэдактуру, карэктуру матэрыялаў для выстаў, розных музейных публікацый (навуковыя артыкулы і каталогі, выдавецкія праекты, паведамленні на інтэрнэт-рэсурсах музея), аказвае кансультатыўную дапамогу навуковым супрацоўнікам па пытаннях правапісу і граматыкі.
Супрацоўнікі музея ведаюць Круталевіч Н.А. як прафесіянала высокага ўзроўню, спецыяліста з глыбокімі ведамі ў галіне мовазнаўства. Надзеі Аляксееўне ўласцівы і добрыя асабістыя якасці – ветлівасць і тактоўнасць, добразычлівасць і ўраўнаважанасць.
Калектыў музея шчыра жадае Надзеі Аляксееўне моцнага здароўя і дабрабыту, шчасця, утульнасці і дастатку ва ўсім! Няхай у жыцці будзе шмат добрых падзей і прыемных сустрэч з калегамі і сябрамі, роднымі і блізкімі!
