Мастацкі музей запрашае дзяцей і дарослых на штогадовае свята “Мастацкі клас”
Як простая аплікацыя ператварылася ў сусветны шэдэўр?
Вас чакаюць пазнавальныя экскурсіі і майстар-класы! Хлапчукі і дзяўчынкі раскрыюць сакрэты мастацкіх твораў і адчуюць сябе сапраўднымі экспертамі выяўленчага мастацтва.
Як скручваць спіралькі з палосак паперы і ствараць аб’ёмныя кампазіцыі?
Для ўсіх аматараў рукадзелля мы падрыхтавалі творчыя майстар-класы па квілінгу і не толькі. Проста, цікава і весела!
- 22 жніўня (субота), 12:00–17:00
- К. Маркса, 24
- уваход па білеце ў музей (15,00 рублёў – дарослыя, 8,00 рублёў – навучэнцы і студэнты, уладальнікі карты госця НММ – бясплатна)
Праграма дзіцячага дня “Мастацкі клас”
12:00 і 15:00 Інтэрактыўная экскурсія “Маленькі эксперт”
для дзяцей 6–10 гадоў
Падчас экскурсіі ўдзельнікі стануць самымі сапраўднымі экспертамі ў выяўленчым мастацтве. Яны навучацца заўважаць важныя дэталі на карцінах і з іх дапамогай раскрыюць сакрэты твораў. А спецыяльныя заданні дапамогуць праверыць уважлівасць у гульнёвай форме.
Месца: першы паверх
(па папярэднім запісе)
12:00–14:00 Майстар-клас “Магія папяровых спіраляў”
для дзяцей ад 7 гадоў і бацькоў
Удзельнікі адкрыюць для сябе мастацтва квілінгу і навучацца ствараць аб’ёмныя кампазіцыі са скручаных палосак паперы.
Месца: зала старажытнабеларускага мастацтва
13:00–14:00 Майстар-клас “Пячорны гратаж: наскальныя гісторыі”
для дзяцей ад 7 гадоў і бацькоў
Хлопчыкі і дзяўчынкі даведаюцца, навошта старажытныя людзі высякалі на скалах фігуры звяроў, асвояць незвычайную тэхніку гратажу і зробяць свой “наскальны” малюнак.
Месца: зала мастацтва краін Захаду
14:00 Лекцыя-майстэрня “Месье Маціс малюе нажніцамі”
для дзяцей ад 7 гадоў і бацькоў
Удзельнікі даведаюцца, як простая аплікацыя ў руках сусветна вядомага майстра ператварылася ў шэдэўры сусветнай класікі. Запрашаем прыняць удзел у эксперыментах па сакрэтных рэцэптах Маціса.
Месца: зала мастацтва краін Захаду
(па папярэднім запісе)
14:00–16:00 Майстар-клас “Рознакаляровыя заліўкі”
для дзяцей ад 7 гадоў і бацькоў
Удзельнікі пазнаёмяцца з абстрактным жывапісам і тэхнікай заліўкі, а таксама зробяць уласную арыгінальную закладку для кніг.
Месца: зала старажытнабеларускага мастацтва
