На ўрачыстым адкрыцці выступілі генеральны дырэктар Нацыянальнага мастацкага музея Уладзімір Іванавіч Пракапцоў; першы намеснік старшыні грамадскага аб'яднання "Беларускі саюз мастакоў" Наталля Васільеўна Шаранговіч; народны мастак Беларусі Іван Якімовіч Міско; дэкан архітэктурнага факультэта Беларускага нацыянальнага тэхнічнага ўніверсітэта, прафесар Армэн Сяргеевіч Сардараў; загадчык кафедры скульптуры Беларускай дзяржаўнай акадэміі мастацтваў, народны мастак Беларусі Уладзімір Іванавіч Слабодчыкаў; дэкан тэатральнага факультэта Беларускай дзяржаўнай акадэміі мастацтваў, заслужаны артыст БССР Уладзімір Андрэевіч Мішчанчук; дырэктар Дзіцячай мастацкай школы імя А.А. Анікейчыка г. Барысава Сцяпан Якаўлевіч Клімчук. Была выканана музычна-пластычная кампазіцыя ад пластычнага тэатра "АГА".
Беларускі скульптар Аляксандр Фінскі вядомы сваімі працамі не толькі ў Беларусі, але і за яе межамі. Створаныя майстрам кампазіцыі нельга аднесці да якой-небудзь пэўнай тэматыкі, у іх наглядна прасочваецца сувязь з рознымі відамі мастацтва, гістарычнымі перыядамі і сацыяльнымі з'явамі. У сваіх творах ён адлюстроўвае дух канкрэтнай эпохі, канкрэтнай асобы мінулага, і ў той жа час пластыка яго сучасная.
