14 кастрычніка а 17-й гадзіне адбудзецца інтэрактыўная лекцыя пра традыцыйны касцюм беларускіх жанчын і яго асаблівы старажытны галаўны ўбор ручніковага тыпу.
Такі ўбор лічыцца агульнаславянскім, але да пачатку ХХ стагоддзя захаваўся амаль што толькі на тэрыторыі Беларусі. Ён набыў на нашай зямлі вельмі разнастайныя формы, якія надавалі мясцовую адметнасць усяму строю жанчыны.
Гэта лекцыя дапаможа сучасным жанчынам перанесціся на сотню гадоў у мінулае і адчуць на сабе подых часу і эстэтыку беларускага народнага ўбрання.
Лектар – кандыдат мастацтвазнаўства Марыя Віннікава.
Месца правядзення – залы выставы “Жаночы Род”.
Папярэдняя рэгістрацыя не патрабуецца. Наведванне мерапрыемства па ўваходным білеце ў выставачны корпус музея (К. Маркса, 24).
