Запрашаем на канцэрт духоўнай музыкі ад ансамбля «Te Deum» и літургічнага хора «Голас душы» ў межах выставы «Беларуская скульптура XVII–XVIII стст.», які адбудзецца 7 красавіка (нядзеля) а 17-й гадзіне.
Найважнейшая рыса духоўных спеваў – малітоўнасць, а вядучая роля належыць голасу. Калектывы абралі сваім прыярытэтным напрамкам выкананне духоўнай музыкі розных эпох, стыляў, але аб’яднанай агульнай ідэяй і зместам, несучы словы міру і маральнасці ў душы людзей.
У праграме канцэрта прагучаць творы С. Рахманінава, Д. Качыні, К. Сэнс-Санса, Ф, Шуберта, В. А. Моцарта, Ж. Бізэ.
Канцэрт пройдзе ў галоўным корпусе музея (Леніна, 20). Наведаць яго можна па ўваходным білеце.
