8 красавіка ў 17:30 у Нацыянальным мастацкім музеі адбудзецца канцэрт фартэпіяннай музыкі “Магія гуку. Вясна”.
“Магія гуку” – гэта асветніцкі праект маладых выканаўцаў Яфімавай Анастасіі і Патаповіч Анастасіі.
Скончыўшы Расійскую акадэмію музыкі імя Гнесіных (г. Масква), працуюць выкладчыкамі ў РГК пры БДАМ, а таксама канцэртуюць на розных пляцоўках Беларусі, Расіі.
Піяністкі расхінуць перад слухачамі маляўнічыя старонкі з жыцця кампазітараў, падзеляцца гісторыяй стварэння твораў. Дзякуючы не толькі выкананню, але і слову (пра музыку) вы ўбачыце творы з усіх бакоў, нібы карціну ў 3D-аб’ёме. Музыка – гэта самы эстэтычны і далікатны спосаб для паляпшэння самаадчування.
На канцэрце прагучаць творы Л. Дакена, Д. Скарлаці, М. Метнера, С. Рахманінава і В. Гаўрыліна.
Мерапрыемства пройдзе ў галоўным корпусе музея.
Наведаць яго можна па ўваходным білеце.
