15 мая а 17-й гадзіне ў Мастацкім музеі ў рамках святкавання Дня сям'і адбудзецца канцэрт "Класіка для ўсіх" ад піяністкі, выкладчыка Мінскага дзяржаўнага музычнага каледжа імя М.І. Глінкі Вольгі Запольскай.
У канцэрце прагучаць творы, якія паказваюць неверагодную разнастайнасць музычных стыляў: "Фантазія" В. А. Моцарта, "Маленькая сюіта" А. Барадзіна, п'есы Ф. Шуберта, К. Дэбюсі, С. Рахманінава, П. Чайкоўскага.
Кожны наведвальнік зможа адкрыць для сябе незнаёмыя старонкі класічнай музыкі, а таксама атрымаць асалоду ад папулярных мелодый фартэпіянных твораў.
Канцэрт пройдзе ў галоўным корпусе Мастацкага (Леніна, 20). Наведаць яго можна па ўваходным білеце ў музей.
