Лэдзі Оперы

Запрашаем на музычны чацвер у Мастацкім. 30 мая а 18-й гадзіне ў музеі адбудзецца канцэрт "Лэдзі Оперы" ад выкладчыка Беларускай дзяржаўнай акадэміі музыкі, лаўрэата міжнародных і рэспубліканскіх конкурсаў Ірыны Лой і студэнткі Беларускай дзяржаўнай акадэміі музыкі, лаўрэата міжнародных конкурсаў Кацярыны Дударавай.

Ва ўнікальным канцэрце, дзе на адной сцэне выступяць разам настаўнік і вучань, прагучаць некалькі сцэн з оперы "Яўген Анегін", арыі з оперы "Кармэн", "Севільскі цырульнік", квартэт з оперы "Рыгалета", старажытныя беларускія творы і рамансы, а таксама арыі з опер беларускіх кампазітараў.

Канцэрт пройдзе ў галоўным корпусе Мастацкага (Леніна, 20). Наведаць яго можна па ўваходным білеце.