Зачараваны роднай прыродай. Майстар пейзажа Антон Бархаткоў

Прагулка на пленэр…

Мастацкі музей запрашае на лекцыю “Зачараваны роднай прыродай. Майстар пейзажа Антон Бархаткоў” у межах праекта «Арт-лекторый “Роднага слова”» – сумеснай ініцыятывы навуковага і метадычнага часопіса “Роднае слова” і Нацыянальнага мастацкага музея Рэспублікі Беларусь. 

У штомесячнай рубрыцы часопіса “Арт-лекторый” навуковыя супрацоўнікі музея адкрываюць чытачам творы нацыянальнага мастацтва з музейных калекцый, а цыкл лекцый па апублікаваных матэрыялах пераносіць гэтыя даследаванні ў жывы фармат. 

Вядучы навуковы супрацоўнік аддзела навукова-фондавай работы Алена Шапашнікава распавядзе пра пейзажную творчасць беларускага мастака Антона Бархаткова – заслужанага дзеяча мастацтваў Беларусі, вучня Вітольда Бялыніцкага-Бірулі. 

• 9 верасня (серада), 17:00 
• К. Маркса, 24, зала беларускага мастацтва XIX – пачатку XX стст. 
• уваход па білеце ў музей