На лекцыі пойдзе размова аб вядучых парфумерах Расійскай Імперыі і Еўропы. Вы зможаце прасачыць "рускі след" водару "Шанель № 5" і "французскі след" легендарнай "Красной Москвы", пазнаёміцеся з успамінамі відавочцаў і непасрэдных удзельнікаў парфумерных драм, а яшчэ даведаецеся, як беларуска стварыла водар, які па продажах дасягнуў рэкорду “Шанель №5”.
Лекцыю чытае Таццяна Фядосава - калекцыянер, якая прадаставіла для выставы “Мастацтва любіць жыццё. Дольчэ Віта" прадметы са свайго прыватнага збору "Прыгажосць і мода XIX–XXI стагоддзяў": жаночыя касцюмы розных эпох, знакавыя прыклады аксесуараў, парфумерыі, касметыкі сусветных і айчынных вытворцаў.
Мерапрыемства пройдзе ў галоўным корпусе музея (сяродкрыжжа, вул. Леніна, 20). Папярэдняя рэгістрацыя не патрабуецца. Наведаць лекцыю можна па ўваходным білеце ў музей.
