Шэдэўры на адзенні. Mark Formelle і Нацыянальны мастацкі музей стварылі арт-калекцыю

Шэдэўры на адзенні. Mark Formelle і Нацыянальны мастацкі музей стварылі арт-калекцыю
Mark Formelle і Нацыянальны мастацкі музей стварылі лімітаваную калекцыю адзення, натхніўшыся палотнамі вядомых беларускіх, расійскіх і еўрапейскіх мастакоў. Сярод мадэляў – футболкі, худзі, шорты, шоперы і шкарпэткі з выявай работ Айвазоўскага, Пукірава, Венцэслаўса, Драздовіча, Хруцкага, Філіповіча і Літвінавай.

Капсульная калекцыя разлічана на ўсю сям’ю. У яе ўвайшлі жаночыя і мужчынскія мадэлі, якія дапоўнены яркімі вобразамі для хлопчыкаў і дзяўчынак.

Для калабарацыі абраны карціны з калекцыі музея. Найперш гэта творы беларускага і рускага мастацтва апошніх стагоддзяў – з XVIII да нашых дзён. Гэтыя працы зараз таксама можна ўбачыць на паштоўках і магнітах.

На адзенне перанеслі адну з самых вядомых музейных карцін “Няроўны шлюб” Васіля Пукірава. Вылучаны і работы мастака-марыніста Івана Айвазоўскага, які атмасферна апеў веліч марской стыхіі. А вось карціна “Птушкі” аўстрыйскага жывапісца Петэра Венцэслаўса прыўнесла ў калекцыю рознакаляровых птушак.

Стваральнікі калекцыі не маглі абысціся і без яркіх натуралістычных работ беларускага майстра жывапісу Івана Хруцкага. Для летняга адзення выдатна падышлі “Плады і дыня”, напісаныя ў другой палове 1830-х гадоў. Мастак лічыцца адным з самых яркіх прадстаўнікоў нацюрмортнага жанру, а адна з яго работ была адлюстравана на купюры старога ўзору наміналам у 1000 беларускіх рублёў.

Сярод беларускіх жывапісцаў – Язэп Драздовіч. Яго “Сатурніянскі цыкл” дадаў калекцыі касмічнай тэматыкі. Таленту майстра хапала і на жывапіс, і на скульптуру, і на вывучэнне замкаў, вялікім захапленнем яго жыцця была і астраномія. Прадстаўлены ў калекцыі і Міхаіл Філіповіч з карцінамі “На Купалу” і “Бітва на Нямізе”. Гэты мастак многія свае працы прысвяціў нацыянальнай тэматыцы і самабытнаму вобразу беларуса. Авангардныя матывы развівае “Цвіценне” Зоі Літвінавай. Карціны сучаснай беларускай мастачкі шырока прадстаўлены ў калекцыях і зборах па ўсім свеце – ад Даніі да ПАР.

1
1
1
1
1
1
1
1
1
1

“Падтрымка мастацтва і яго папулярызацыя – важны складнік ДНК нашага брэнда. Пад хэштэгам #ArtUWear свет убачыў нямала калекцый, прысвечаных творчасці таленавітых мастакоў і ілюстратараў. Гэтая калекцыя адзення – адна з самых прыгожых і незвычайных у гісторыі Mark Formelle. І ў яе закладзены глыбокі сэнс: сапраўднае мастацтва не старэе – толькі змяняецца яго ўспрыманне. З’яўляюцца нечаканыя інтэрпрэтацыі, ракурсы і сэнсы. Варта было толькі перанесці вядомыя палотны на тканіну, як яны зайгралі па-новаму – модна і сучасна. І нечакана заўважаеш, наколькі актуальна выглядаюць карціны, створаныя некалькі стагоддзяў таму. А гэта ж мы проста прапанавалі прымяраць іх на сябе”, – раскрываюць ідэю ў Mark Formelle.

Mark Formelle і Нацыянальны мастацкі музей упершыню аб’ядналі намаганні дзеля стварэння капсульнай калекцыі. Яна будзе складацца з двух дропаў – летняга і восеньскага. Карціны, абраныя для восеньскай прэм’еры, пакуль трымаюць у сакрэце. Праект закліканы паказаць, што шэдэўры мастацтва вечныя і лёгка ўпісваюцца ў сучаснасць.

У выбары работ для калекцыі ўдзельнічалі супрацоўнікі музея. На паўгода яны сталі часткай каманды дызайнераў і ілюстратараў і ўнеслі ўклад у стварэнне мадэляў.

“Адным з напрамкаў дзейнасці музея з’яўляецца папулярызацыя яго фондаў. Рэчы з выявамі карцін і іншых прадметаў са збору дазваляюць данесці да шырокай аўдыторыі нашы каштоўнасці. Таму мы былі рады прапанове Mark Formelle стварыць сумесную калекцыю, якая дэманструе вядомыя палотны з нашых фондаў і прыцягвае ўвагу да скарбаў нацыянальнай і сусветнай культуры”, – адзначаюць у Нацыянальным мастацкім музеі.

 

Новая калекцыя адзення з шэдэўрамі мастацтва ўжо паступіла ў продаж. Яна даступна для прымеркі ў крамах Mark Formelle і анлайн-заказа па ўсёй краіне.

частыя пытанні

Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. 

Ці ёсць зніжкі на набыццё ўваходнага білета для пенсіянераў?

Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца.

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63,  +375 25 667 78 19.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Першы панядзелак месяца – дзень ільготнага наведвання (зніжка 50% на ўваходныя білеты).

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па  тэлефонах: +375 17 397 01 63,  +375 25 667 78 19

У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.

  • Мінск
    вул. Леніна, 20

  • панядзелак, серада, пятніца - нядзеля

    з 11:00 да 19:00

  • чацвер

    з 13:00 да 21:00

  • аўторак

    выходны дзень

  • Каса і Музейная крама

  • панядзелак, серада, пятніца - нядзеля

    з 11:00 да 18:30

  • чацвер

    з 13:00 да 20:30

  • аўторак

    выходны дзень