Дарагія сябры!
У Міжнародны дзень абароны дзяцей і першы дзень лета мы прапануем Вам:
- стаць удзельнікамі зборнай тэматычнай экскурсіі “Дзеці ў музеі” і здзейсніць падарожжа па музейных залах, каб натхніцца цудоўнымі вобразамі дзяцей розных эпох і ў розных краінах, якія прадстаўлены ў пастаяннай экспазіцыі музея.
Узрост: ад 8 да 16 гадоў
Час: пачатак а 14-й гадзіне.
Месца збору: парадны вестыбюль галоўнага корпуса (Леніна, 20)
Працягласць: 60 хвілін
Запісаць на экскурсію юнага наведвальніка можна тут:
СпасылкаКолькасць месцаў абмежавана!
Паважаныя бацькі і нашы наведвальнікі, пакуль вашы дзеці здзяйсняюць падарожжа па музейных залах, прапануем вам
- стаць слухачамі лекцыі-дыскусіі “Вобразы дзяцінства: мінулае, сучаснасць, будучыня” Даронінай Святланы Генадзеўны, навуковага супрацоўніка Інстытута філасофіі Нацыянальнай акадэміі навук Беларусі.
Узрост: 18+
Час правядзення: 14:00–15:00
Месца правядзення: экспазіцыя “Беларускае мастацтва XIX – пачатак XX стагоддзя” (Леніна, 20, новы корпус)
Працягласць: 60 хвілін
або
- самастойна азнаёміцца з музейнай экспазіцыяй, звяртаючы ўвагу на творы, у якіх прадстаўлены дзіцячыя вобразы. У залах музея яны будуць абазначаны спецыяльным абразком;
або
- адпачыць за кубкам духмянай кавы ці гарбаты ў музейнай кавярні “Культурнае жыццё”, у якім будзе дзейнічаць знішка 10% на ўсё меню
- атрымаць асалоду ад музычных твораў у рамках святочнага канцэрта навучэнцаў Рэспубліканскай гімназіі-каледжа пры Беларускай дзяржаўнай акадэміі музыкі.
Узрост: 0+
Час правядзення: 15:00–16:00
Месца правядзення: сяродкрыжжа (Леніна, 20, новы корпус) Працягласць: 50 хвілін (16 нумароў)
- паглядзець дакументальны фільм “Карціна свету”, у якім расказваецца аб дзейнасці музейнай мастацка-адукацыйнай студыі “У госці да Цюбіка” пад кіраўніцтвам Брыгаднай Вольгі Яўгенаўны.
Узрост: 0+
Час: пачатак у 16:30
Месца правядзення: экспазіцыя "Беларускае мастацтва XIX – пачатак XX стагоддзя" (Леніна, 20, новы корпус)
Працягласць: 52 хвіліны
- атрымаць уяўленне аб рабоце студыі “У госці да Цюбіка” ў фатаграфіях і ўбачыць малюнкі дзяцей-студыйцаў, прысвечаныя іх уражанням ад твораў беларускіх мастакоў XX – пачатку XXI стагоддзя на выставе “Дзеці малююць ля карцін”
Узрост: 0+
Месца правядзення: фотавыстава – малая галерэя ў сяродкрыжжы, выстава малюнкаў “Дзеці малююць ля карціны” – 4-ы паверх, у экспазіцыі “Сучаснае беларускае мастацтва XX – пачатку XXI стагоддзя” (Леніна, 20, новы корпус)
У праграме могуць быць змены або дапаўненні.
Сачыце, калі ласка, за інфармацыяй.
- Кошт уваходнага білета ў музей 1 чэрвеня:
Для дзяцей да 18 гадоў – знішка 50%.
Для дарослых і студэнтаў – стандартны ўваходны білет.
Прыходзьце з задавальненнем! Мы вас чакаем!
Карта музея
