У 2022 годзе яна стала пераможцам конкурсу “Музейны дэсант” дабрачыннай праграмы “Музей без межаў” Дабрачыннага фонду Уладзіміра Патаніна, што дало магчымасць запланаваць стажыроўкі, якія знаёмяць з архіўнай і фондавай работай расійскіх і замежных музеяў, першым з іх стаў Нацыянальны мастацкі музей. Гэты выбар не выпадковы: у 2022 годзе Нацыянальны мастацкі музей Рэспублікі Беларусь і Белгародскі мастацкі музей падпісалі пагадненне аб супрацоўніцтве.
Наталля Ганчарэнка пазнаёмілася з прынцыпамі арганізацыі навуковага архіва і калекцый беларускай арыгінальнай і тыражнай графікі, рускага і замежнага жывапісу і графікі, дэкаратыўна-прыкладнога мастацтва. Найперш яе цікавілі прынцыпы размяшчэння твораў і варыянтаў абсталявання, размеркаванне калекцый адносна захавальнікаў; роўна як само паглыбленне ў атмасферу музеяў зусталяванай гісторыяй камплектавання і своеасаблівасцю захавальніцкай працы. У далейшым набытыя веды яна будзе выкарыстоўваць ва ўласнай рабоце.
Акрамя таго, Наталля Ганчарэнка і яе калега – вучоны сакратар, загадчык аддзела развіцця Белгародскага мастацкага музея Ала Селюціна – прынялі ўдзел у XXI Міжнароднай навукова-практычнай канферэнцыі “Аладаўскія чытанні – 2023” з дакладамі аб творах графікі ХХ стагоддзя са збору Белгародскага музея, сярод якіх ёсць і творы мастакоў
