Ноч музеяў у Мастацкім. Жураўлі над Беларуссю

Ноч музеяў у Мастацкім. Жураўлі над Беларуссю

Нацыянальны мастацкі музей Рэспублікі Беларусь Галоўны корпус

Нацыяльнальны мастацкі музей Рэспублікі Беларусь традыцыйна далучаецца да штогадовай міжнароднай акцыі “Ноч музеяў” і запрашае ўсіх стаць часткай святочнага дзейства, якое пройдзе ў Мастацкім 17 мая 2025 з 18.00 да 24.00.

Тэма сёлетняй Ночы – “Жураўлі над Беларуссю” – абрана невыпадкова. Жораў – адна з самых любімых народам птушак. Горды, прыгожы журавель здаўна лічыўся ў славян сімвалам усеагульнага шчасця і радасці, дабрабыту і росквіту, а вяртанне журавоў з выраю ўспрымалася знакам абнаўлення жыцця. Вобраз лунаючых у блакітнай высі жураўлёў на Беларуссю быў шматкроць апеты ў літаратурных творах і выяўленчым мастацтве. 

У ХХ стагоддзі, дзякуючы паэтычнаму вобразу, створанаму Расулам Гамзатавым і ўвасобленым у песенным выкананні Марка Бернэса, жураўлі сталіся сімвалам мужнасці і неўміручасці народнага подзвігу ў гады Вялікай Айчыннай вайны. Асаблівае гучанне набываюць словы гэтай песні ў святочны юбілейны 80-ы год Вялікай Перамогі. 

У аснову канцэпцыі Музейнай Ночы пакладзена захапленне і пачуццё бясконцай любові да беларускай культуры, а таксама ўдзячнасці нашага пакалення за мірнае неба над галавой. Новыя экспазіцыі, тэатральныя замалёўкі, харэаграфічныя пастаноўкі, светлавыя і мультымедыйныя інсталяцыі, вакальнае і інструментальнае мастацтва, інтэрактыўныя лакацыі і квэсты з падарункамі ад Партнераў праекта ў межах Ночы натхняць наведвальнікаў глыбей пазнаёміцца з гісторыяй і мастацтвам Беларусі, наблізяць да багацейшай культурнай спадчыны краіны.

“Ноч музеяў у Мастацкім. Жураўлі над Беларуссю” – унікальная магчымасць зірнуць на музейную прастору з незвычайнага ракурса, адкрыць для сябе свет, напоўнены таямніцамі і новымі ўражаннямі.

Генеральным партнёрам акцыі выступае плацёжная сістэма Белкарт.

Кошт білета для дарослых – 20 рублёў, для навучэнцаў і студэнтаў – 10 рублёў.

Шматдзетныя сем’і, уладальнікі карты госця НММ змогуць наведаць мерапрыемства бясплатна (па прад'яўленні адпаведнага дакумента).

Старт продажу білетаў пачнецца 14 мая. Набыць іх можна ў касе музея (вул. Леніна, 20 і вул. К.Маркса, 24) і анлайн на сайце музея.

Куратар праекта “Ноч музееяў у Мастацкім” – Шантар Дзіяна Георгіеўна, загадчык аддзела навукова-асветніцкай работы і маркетынга.

Ноч музеяў 2025. Жураўлі над Беларуссю. Праграма
Фота
іншыя выставы
Рыгор Віткоўскі. Шчыра пра важнае
Рыгор Віткоўскі. Шчыра пра важнае

Нацыянальны мастацкі музей Рэспублікі Беларусь

Сябры. Партрэт Любачкі з сабакам
Сябры. Партрэт Любачкі з сабакам

Нацыянальны мастацкі музей Рэспублікі Беларусь

Краіна перамог
Краіна перамог

Нацыянальны мастацкі музей Рэспублікі Беларусь

Выстава твораў жывапісу, графікі, скульптуры да Дня пагранічніка
Выстава твораў жывапісу, графікі, скульптуры да Дня пагранічніка

Нацыянальны мастацкі музей Рэспублікі Беларусь

  • 220030, Мінск
    вул. Леніна, 20

  • панядзелак, серада, пятніца - нядзеля

    з 11:00 да 19:00

  • чацвер

    з 13:00 да 21:00

  • аўторак

    выходны дзень

  • Каса і Музейная крама

  • панядзелак, серада, пятніца - нядзеля

    з 11:00 да 18:30

  • чацвер

    з 13:00 да 20:30

  • аўторак

    выходны дзень

  • 223054, Мінская вобласць, Мінскі раён, Астрашыцка-Гарадоцкі в/с, в. Аколіца
    вул. Іванаўская, 17Б

  • серада - нядзеля

    з 10:00 да 17:00

  • Каса

    з 10:00 да 16:30

  • панядзелак - аўторак

    выходныя дні