Праект арганізаваны сумесна з Маскоўскім аддзяленнем Саюза мастакоў Расіі пры падтрымцы Россупрацоўніцтва і Расійскай акадэміі мастацтваў.
“Абярэжнае кола” – асветніцкі праект. Ён служыць папулярызацыі традыцыйных каштоўнасцей у прасторы Саюзнай дзяржавы. Яго мэта – яднанне сіл дзяржаў, прасоўванне дэмаграфічнага парадку дня, насычэнне культурнай прасторы тэматычным мастацтвам высокага ўзроўню. На выставе будуць прадэманстраваны каля 90 твораў сучаснага расійскага і беларускага мастацтва, прысвечаных расійскім і беларускім жанчынам, іх укладу ў агульную жыццёвую, культурную і духоўную прастору.
Сярод удзельнікаў праекта прадстаўлены работы народнага мастака Расійскай Федэрацыі, акадэміка Расійскай акадэміі мастацтваў Элеаноры Жаронавай; акадэміка, члена Прэзідыума, віцэ-прэзідэнта Расійскай акадэміі мастацтваў Таццяны Качамасавай; акадэміка Расійскай акадэміі мастацтваў Ірыны Калінінай; заслужанага мастака Расійскай Федэрацыі, члена-карэспандэнта Расійскай акадэміі мастацтваў Міляўшы Гатаулінай; членаў-карэспандэнтаў Расійскай акадэміі мастацтваў Наталлі Апіёк і Любові Белых; а таксама вядомых мастакоў Вікторыі Афонскай, Веры Коршунавай, Вольгі Арловай-Халадковай, Яны Поклад, Ганны Сінельшчыкавай, Алены Фраловай. У экспазіцыю таксама ўвойдуць творы вядомых беларускіх мастакоў: жывапісца Галіны Конанавай і майстра дэкаратыўна-прыкладнога мастацтва Наталлі Сухаверхавай.
Кіраўнік праекта – Яна Мікалаеўна Поклад (Масква, РФ).
Выстава працягнецца па 11 студзеня 2026 года.
