3 снежня ва ўсім свеце адзначаюць Міжнародны дзень людзей з інваліднасцю. У гэты дзень мы хочам расказаць пра старт новага праекта Мастацкага музея пры падтрымцы “Офистон Маркет” – “Інклюзіўныя майстэрні ў Мастацкім”.
На працягу снежня вас чакаюць майстар-класы і заняткі, на якія мы запрашаем людзей з асаблівымі патрэбамі і тых, хто клапоціцца пра іх, а таксама псіхолагаў і ўсіх ахвочых. Праграма майстэрняў заклікана стварыць камфортнае і даступнае асяроддзе ў музейнай прасторы, раскрыць творчы патэнцыял, дапамагчы зразумець і адчуць творы мастацтва.
У рамках майстэрняў вас чакаюць некалькі майстар-класаў і заняткаў ад псіхолага і арт-тэрапеўта Дзіны Панятоўскай-Замышляевай, майстар-клас па вырабе паштовак ад інклюзіўнай арт-школы “Вышэй за дах”, майстар-клас ад “Майстэрні добрых спраў (Майстэрні Побач)” – праекта, што дапамагае дзецям і падлеткам з аўтызмам.
Наведаць мерапрыемствы можна будзе па ўваходным білеце ў Мастацкі.
Бліжэйшыя парковачныя месцы знаходзяцца ўздоўж вул. Карла Маркса (паркоўка платная)
Ці можна знаходзіцца ў музеі ў верхнім адзенні?
Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.
З якімі рэчамі знаходзіцца ў музейных залах нельга?
Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.
Ці можна наведваць экспазіцыю музея з дзіцячай каляскай?
Так, мы рады наведвальнікам узроставай катэгорыі 0+.
Ці ёсць зніжкі на набыццё ўваходнага білета для пенсіянераў?
Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца.
Якія ўмовы створаны для наведвання людзей з абмежаванымі магчымасцямі?
Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63, +375 25 667 78 19.
У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.
Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.
Як мне трапіць на экскурсію?
У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).
Запісвацца неабходна як мінімум за тыдзень да меркаванага візіту па тэлефонах: +375 17 397 01 63, +375 25 667 78 19.
У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.
Сайт выкарыстоўвае cookies. Працягваючы праглядаць старонкі, вы даяце згоду на апрацоўку файлаў cookie і карыстальніцкіх дадзеных.
