Сустрэча з майстрам пройдзе на яго персанальнай выставе "Прастора святла і колеру: акварэль" на пераходнай галерэі галоўнага корпуса музея.
Для беларускай культурнай прасторы Яўген Мікалаевіч Саковіч больш вядомы як выдатны педагог, які аддаў паўстагоддзя свайго жыцця выкладчыцкай дзейнасці ў знакамітай Мінскай дзяржаўнай гімназіі-каледжы мастацтваў.
Сёння ж у шырокай публікі ёсць цудоўная магчымасць пазнаёміцца з віртуознымі акварэлямі майстра.
У экспазіцыі прадстаўлена больш за 30 твораў з калекцыі аўтара, створаных у ХХІ стагоддзі.
Наведаць творчую сустрэчу можна па ўваходным білеце ў галоўны корпус музея (Леніна, 20). Папярэдняя рэгістрацыя не патрабуецца. Самы актыўны ўдзельнік мерапрыемства атрымае памятны падарунак – альбом мастака.
