Запрашаем на творчую сустрэчу з Аляксандрам Фінскім. Яна адбудзецца 2 лютага а 18-й гадзіне на выставе скульптуры і графікі, прымеркаванай да 70-годдзя майстра.
Створаныя Аляксандрам Фінскім кампазіцыі нельга аднесці да якой-небудзь пэўнай тэматыкі, у іх наглядна прасочваецца сувязь з рознымі відамі мастацтва, гістарычнымі перыядамі і сацыяльнымі з’явамі. У сваіх творах майстар адлюстроўвае дух канкрэтнай эпохі, канкрэтнай асобы мінулага, і ў той жа час пластыка яго сучасная.
Наведаць сустрэчу можна па ўваходным білеце ў выставачны корпус музея (К. Маркса, 24).
