У песнях, у марах, у снах

Музычны чацвер у Мастацкім музеі! Да Дня роднай мовы запрашаем на канцэрт камернага хора Polifonica “У песнях, у марах, у снах”, які адбудзецца 22 лютага а 19-й гадзіне.

На канцэрце вы пачуеце творы С. Хвашчынскага, Ул. Кур’яна, А. Саўрыцкага, Л. Захлеўнага, А. Рашчынскага і іншых вядомых кампазітараў, якія адлюстроўваюць розныя традыцыі асэнсавання народнай творчасці. У праграме прагучаць творы розных музычных стыляў у выкананні "a cappella". Спецыяльны госць канцэрта - фальклорны ансамбль "Верас". 

Канцэрт пройдзе ў галоўным корпусе Мастацкага музея (Леніна, 20). Наведаць яго можна па ўваходным білеце.