Прадстаўленыя на выставе абразы належаць розным хрысціянскім цэрквам, якія на працягу стагоддзяў разам суіснуюць у Беларусі як шматнацыянальнай і поліканфесійнай краіне. Цэнтральны іконаграфічны вобраз, які прасочваецца ў алтарных палотнах “Маці Божая з немаўляці Хрыстом” і “Святы Юзаф з Хрыстом”, – адлюстраванне ўзору сямейнага жыцця. Пачэснае месца ў экспазіцыйным шэрагу занялі абразы “Маці Божая Вастрабрамская” і “Маці Божая Бялыніцкая”, шанаваныя як на ўсходзе, так і на захадзе Беларусі, як у каталіцкім касцёле, так і ў праваслаўнай царкве. Прадстаўлены на выставе алтарны жывапіс адносіцца да беларускай іканапіснай школы і падкрэслівае багацце культурнай спадчыны нашага народа. Экспазіцыйная прастора ўключае таксама шэраг арнатаў XVIII–XIX стст., выкананых у розных тэхніках.
Куратары выставы – Дзмітрый Моніч, вядучы навуковы супрацоўнік аддзела старажытнабеларускага мастацтва Нацыянальнага мастацкага музея Рэспублікі Беларусь, і Лазука Барыс Андрэевіч, загадчык аддзела старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі
Выстава будзе экспанавацца
па 2 кастрычніка 2023 года
