Выйшаў другі том альбома “Народнае мастацтва Беларусі XVI–XXI стагоддзяў”
Выйшаў другі том альбома “Народнае мастацтва Беларусі XVI–XXI стагоддзяў”. Ён працягвае навукова-адукацыйны праект Мастацкага музея “Нашы калекцыі”.
Выданне знаёміць з асаблівасцямі традыцыйнага беларускага касцюма і рознымі відамі мастацкіх рамёстваў. Гэтыя творы дазваляюць сфарміраваць уяўленне аб своеасаблівасці традыцыйнай культуры беларускага народа і яго майстэрстве.
У альбоме ўпершыню прадстаўлена калекцыя прыкладнога народнага мастацтва Беларусі – посцілкі, ручнікі, касцюмы, кераміка, разьба, роспіс па дрэве, саломапляценне.
У выданні можна ўбачыць рэдкія творы, якія маюць не толькі мастацкую каштоўнасць, але і даюць разуменне іх функцыянальнага прызначэння ў абрадах і традыцыях беларускага народа. Аўтары імкнуліся паказаць як самыя архаічныя творы, так і іх далейшае стылістычнае развіццё і разнастайнасць.
Альбом можна купіць у нашай музейнай краме.
Народнае мастацтва Беларусі XVI–XXI стагоддзяў
Падзеі
“Раство ў Ваньковічаў з майстар-класам па вырабе навагодніх цацак і 3D-паштовак
Музей Дом Ваньковічаў
Выбары Прэзідэнта Рэспублікі Беларусь
Нацыянальны мастацкі музей Рэспублікі Беларусь
Графік працы Мастацкага музея 10 снежня 2024 года
Нацыянальны мастацкі музей Рэспублікі Беларусь
Прэзентацыя фільма «Культурны код Марыі Ценішавай»
Нацыянальны мастацкі музей Рэспублікі Беларусь
частыя пытанні
Дзе я магу прыпаркаваць аўтамабіль?
Бліжэйшыя парковачныя месцы знаходзяцца ўздоўж вул. Карла Маркса (паркоўка платная)
Ці можна знаходзіцца ў музеі ў верхнім адзенні?
Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.
З якімі рэчамі знаходзіцца ў музейных залах нельга?
Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.
Ці можна наведваць экспазіцыю музея з дзіцячай каляскай?
Так, мы рады наведвальнікам узроставай катэгорыі 0+.
Ці ёсць зніжкі на набыццё ўваходнага білета для пенсіянераў?
Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца.
Якія ўмовы створаны для наведвання людзей з абмежаванымі магчымасцямі?
Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63, +375 25 667 78 19.
У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.
Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.
Як мне трапіць на экскурсію?
У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).
Запісвацца неабходна як мінімум за тыдзень да меркаванага візіту па тэлефонах: +375 17 397 01 63, +375 25 667 78 19.
У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.
Сайт выкарыстоўвае cookies. Працягваючы праглядаць старонкі, вы даяце згоду на апрацоўку файлаў cookie і карыстальніцкіх дадзеных.
