22 сакавіка ў Мастацкім адкрываецца выстава адрэстаўрыраваных абразоў з калекцыі музея, прымеркаваная да дня нараджэння мітрапаліта Філарэта, першага Патрыяршага Экзарха ўсяе Беларусі (21 сакавіка 1935 г. – 12 студзеня 2021 г.).
Мітрапаліт Філарэт (Вахрамееў), першы Патрыяршы Экзарх усяе Беларусі, з 1978 года з’яўляўся прадстаяцелем Беларускай Праваслаўнай Царквы. За 35-гадовы перыяд намаганнямі ўладыкі былі адроджаны многія праваслаўныя епархіі, адкрыты 24 жаночыя і 10 мужчынскіх манастыроў. Былі пабудаваны сотні новых храмаў і адноўлены разбураныя, адкрыліся духоўныя школы і семінарыі, на новы ўзровень выйшла асветніцкая і выдавецкая дзейнасць.
Уладыка Філарэт нястомна клапаціўся аб захаванні старажытных царкоўных святыняў, цікавіўся рэстаўрацыйнай дзейнасцю музея. Нашы спецыялісты, аднаўляючы помнікі беларускага іканапісу, удзельнічаюць у агульнай высакароднай справе ўмацавання духоўнасці народа.
Выстава будзе працаваць
да 10 красавіка 2023 года
