Выстаўка прысвечана Дню ведаў.
На ёй прадстаўлены работы дзяцей-вучняў мастацкай студыі "Аqua-ART" (кіраўнік - Наталля Котак). Студыя "Aqua-ART" заснавана на базе Сеніцкай сярэдняй школы №2. У ёй займаюцца дзеці, якія імкнуцца да творчага развіцця, фарміравання творчага мыслення і мастацкага асэнсавання навакольнага свету.
На выставе можна ўбачыць работы, выкананыя ў розных відах тэхнікі: акварэль па сырым, воск + акварэль; акварэль + соль; акварэль + бялілы; васковая крэйда + пастэль, грызайль, акварэль + туш.
Мэта выстаўкі - духоўнае, маральнае і патрыятычнае выхаванне падрастаючага пакалення. Адлюстроўваючы ў сваіх работах усё тое, што акружае іх у паўсядзённым жыцці (дома, птушкі, жывёлы, прырода ў розных яе праявах), дзеці вучацца бачыць вакол сябе цудоўнае, любіць сваю зямлю, сваю Радзіму – Беларусь.
Уваход на выставу па білеце ў музей.
