12 сакавіка 2026 года ў філіяле Нацыянальнага мастацкага музея Рэспублікі Беларусь – Музеі “Дом Ваньковічаў. Культура і мастацтва першай паловы XIX ст.” (вул. Інтэрнацыянальная, 33а) адкрываецца выстава керамікі Вольгі Сіняўскай “Міфы зямлі маёй”.
На выставе прадстаўлены разнастайныя работы ў жанры дэкаратыўнай керамічнай скульптуры і фармальнай аб’ёмнай кампазіцыі. Асноўнай тэмай выставы з’яўляюцца міфы беларускай зямлі. Аўтар працуе ў тэхніцы ручной лепкі. Асноўны матэрыял скульптурных кампазіцый – шамотныя масы і маёлікавыя керамічныя палівы, а таксама чырвоная вакуумаваная гліна.
Уваход на выставу па білеце ў музей.
Выстава працягнецца па 17 мая 2026 года.
