Выстава “Мастацкаму – 85. Афішы і фотаздымкі”, прысвечаная 85-годдзю Нацыянальнага мастацкага музея Рэспублікі Беларусь

Выстава “Мастацкаму – 85. Афішы і фотаздымкі”, прысвечаная 85-годдзю Нацыянальнага мастацкага музея Рэспублікі Беларусь
24 студзеня 2024 года а 17-й гадзіне у Нацыянальным мастацкім музеі Рэспублікі Беларусь (вул. Леніна, 20) адбудзецца ўрачыстае адкрыццё выставы "Мастацкаму – 85. Афішы і фотаздымкі", прысвечанай юбілейнаму году Нацыянальнага мастацкага музея Рэспублікі Беларусь.

Выстава “Мастацкаму – 85. Афішы і фотаздымкі” прысвечана юбілейнаму году Нацыянальнага мастацкага музея Рэспублікі Беларусь. Музейны збор вядзе свой пачатак з 24 студзеня 1939 года, калі была выдадзена пастанова Саўнаркама БССР “Аб арганізацыі карціннай галерэі ў г. Мінску”.

У экспазіцыю ўвайшло больш за 30 афіш і 35 фотаздымкаў з архіва музея і Беларускага дзяржаўнага архіва кінафотафонадакументаў, якія адлюстроўваюць самыя знакавыя старонкі музейнай гісторыі, пачынаючы з 1939 года і заканчваючы падзеямі 2023 года. Афішы будуць прадстаўлены ў якасці экспанатаў упершыню.

Арыгінальнымі маркерамі гісторыі Нацыянальнага мастацкага музея Рэспублікі Беларусь з’яўляюцца афішы выстаў, лекцый, канцэртаў, музейных акцый і іншых падзей. Выставачная дзейнасць Дзяржаўнай карціннай галерэі БССР (1939–1957), Дзяржаўнага мастацкага музея БССР (1957–1993), Нацыянальнага мастацкага музея Рэспублікі Беларусь (з 1993) вельмі насычаная і разнастайная. Фонд афіш складае больш за 2000 адзінак. На жаль, не захаваліся афішы першых выстаў, якія праходзілі ў Галерэі ў даваенны час: “Мастацтва Беларускай ССР” да Дэкады беларускага мастацтва ў Маскве (1940), “Ленін і Сталін – арганізатары БССР” (1940), “Мастацкія рамёствы народаў СССР з Дзяржаўнага гісторыка-мастацкага музея-запаведніка г. Загорска” (1941). З пасляваеннага перыяду на выставе прадстаўлены найбольш яскравыя экзэмпляры, якія ілюструюць шырокую геаграфію выставачнай дзейнасці музея (ад Аўстраліі і Эфіопіі да ЗША і Японіі), сведчаць аб супрацоўніцтве з вядучымі музеямі свету (Дзяржаўны Эрмітаж, Дзяржаўны музей выяўленчых мастацтваў імя А.С. Пушкіна, Смітсанаўскі інстытут, Пражская Нацыянальная галерэя, Дрэздэнская галерэя, Музей Вікторыі і Альберта і інш.), дэманструюць разнастайнасць тэхнік (акварэль, літаграфія, афорт, шаўкаграфія, афсетны друк), а таксама з’яўляюцца адлюстраваннем свайго часу.

Самыя раннія афішы ў экспазіцыі (1945 і 1946 гадоў) змяшчаюць поўны спіс мастакоў-удзельнікаў выстаў, што не характэрна для афіш пазнейшага перыяду. У 1957 годзе на Гродзенскай фабрыцы афсетнага друку быў выпушчаны плакат Дзяржаўнага мастацкага музея БССР тыражом 500 экзэмпляраў. Плакат змяшчаў інфармацыю аб калекцыях музея, часе працы і адрасе, было адзначана таксама Міністэрства культуры БССР. Упершыню на афішы з’яўляецца правобраз лагатыпа – фасад галоўнага корпуса музея. У гэты будынак, спраектаваны архітэктарам Міхаілам Бакланавым, галерэя пераехала акурат у 1957 годзе.

Наступны рэкламны плакат музея з’яўляецца толькі ў 1989 годзе, да 50-годдзя ўстановы. За аснову быў узяты твор Івана Хруцкага “Партрэт невядомай з кветкамі і фруктамі”. У правым верхнім вугле размяшчаўся надпіс “Дзяржаўны мастацкі музей БССР”, прычым на чатырох мовах: беларускай, рускай, англійскай і французскай.

Стварэннем афіш для мастацкіх выстаў займаліся прафесійныя мастакі-графікі, якія атрымлівалі спецыяльныя заказы. Часам выкарыстоўваўся адзіны модуль для зменных тэкстаў, выявы экспанатаў і фотаздымкі мастакоў, але часта афіша ўяўляла сабой арыгінальны аўтарскі твор. Музейныя афішы расклейваліся ў горадзе на тумбах, заваёўвалі ўвагу мінакоў і заахвочвалі публіку наведаць музей. На выставе прадстаўлены афішы аўтарства Паўла Семчанкі, Адэлаіды Бетанавай, Алены Лось, Сяргея Саркісава, Уладзіміра Васюка і інш. Аднак часта мастакі не падпісвалі свае творы. 

Афішы да выстаў “Мастацтва старажытных гарадоў Беларусі IX–XIV стст.” і “Іканапіс Беларусі XVII–XVIII стст.” (1990) у выкананні У. Васюка ўпершыню ўтрымліваюць лагатып музея – візуальны код, які можна хутка счытаць у гарадской прасторы, насычанай рознай інфармацыяй. З 2005 года музейны лагатып становіцца пастаянным атрыбутам афіш. Пачынаецца візуальнае фарміраванне індывідуальнага фірмовага стылю Мастацкага. Можна сказаць, афішы перасталі выконваць толькі інфармацыйную функцыю, іх значэнне і роля значна пашырыліся. Яны становяцца элементамі музейнага вобраза, першымі ўдзельнікамі музейнай камунікацыі, фарміруюць імідж музея.

Афішы выстаў і іншых музейных мерапрыемстваў апошніх дзесяці гадоў прадстаўлены ў экспазіцыі ў лічбавым фармаце.

Паступова фарміраваўся і фонд музейных фотаздымкаў. На выставе дэманструюцца ўнікальныя кадры з адкрыцця Галерэі ў 1939 годзе з удзелам першага дырэктара Мікалая Міхалапа (1939–1941). У 2020 годзе ў музейны архіў паступілі копіі фотаздымкаў жніўня 1941 года, зробленыя персанальным фатографам Адольфа Гітлера і яго бліжэйшага акружэння Вальтэрам Фрэнцам, на якіх адлюстравана, як рэйхсфюрар СС Генрых Гімлер уваходзіць у залы Дзяржаўнай карціннай галерэі ў Мінску. Гэтыя здымкі ў экспазіцыі даваеннай карціннай галерэі – пакуль адзіныя, якія ўдалося адшукаць. 

Неацэнную дапамогу аказаў музею Беларускі дзяржаўны архіў кінафотафонадакументаў г. Дзяржынска, перадаўшы ў фонды больш за сотню фатаграфій.

Ужо з 1950-ых гадоў у музеі працавалі штатныя прафесійныя фатографы, у абавязкі якіх уваходзіла фотафіксацыя музейных падзей і фатаграфаванне музейных рэчаў. На выставе прадстаўлены здымкі, якія адлюстроўваюць час і яго атрыбуты, інтэр’еры экспазіцыйных залаў, наведвальнікаў музея, а таксама важныя падзеі ў гісторыі галоўнай мастацкай скарбніцы краіны. 

Работа выставы працягнецца да 24 сакавіка 2024 года.

Куратары: Дзіяна Шантар (раздзел “Музейныя афішы”), загадчык аддзела навукова-асветніцкай работы; Надзея Усава (раздзел “Фотаздымкі”), вядучы навуковы супрацоўнік аддзела навукова-асветніцкай работы.

Падзеі
“Раство ў Ваньковічаў з майстар-класам па вырабе навагодніх цацак і 3D-паштовак
“Раство ў Ваньковічаў з майстар-класам па вырабе навагодніх цацак і 3D-паштовак

Музей Дом Ваньковічаў

Выбары Прэзідэнта Рэспублікі Беларусь
Выбары Прэзідэнта Рэспублікі Беларусь

Нацыянальны мастацкі музей Рэспублікі Беларусь

Графік працы Мастацкага музея 10 снежня 2024 года
Графік працы Мастацкага музея 10 снежня 2024 года

Нацыянальны мастацкі музей Рэспублікі Беларусь

Прэзентацыя фільма «Культурны код Марыі Ценішавай»
Прэзентацыя фільма «Культурны код Марыі Ценішавай»

Нацыянальны мастацкі музей Рэспублікі Беларусь

частыя пытанні

Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. 

Ці ёсць зніжкі на набыццё ўваходнага білета для пенсіянераў?

Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца.

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63,  +375 25 667 78 19.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Першы панядзелак месяца – дзень ільготнага наведвання (зніжка 50% на ўваходныя білеты).

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па  тэлефонах: +375 17 397 01 63,  +375 25 667 78 19

У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.

  • 220030, Мінск
    вул. Леніна, 20

  • панядзелак, аўторак, серада, пятніца - нядзеля

    з 11:00 да 19:00

  • чацвер

    з 13:00 да 21:00

  • Каса і Музейная крама

  • панядзелак, аўторак, серада, пятніца - нядзеля

    з 11:00 да 18:30

  • чацвер

    з 13:00 да 20:30

  • 223054, Мінская вобласць, Мінскі раён, Астрашыцка-Гарадоцкі в/с, в. Аколіца
    вул. Іванаўская, 17Б

  • серада - нядзеля

    з 10:00 да 17:00

  • Каса

    з 10:00 да 16:30

  • панядзелак - аўторак

    выходныя дні