У экспазіцыі прадстаўлена толькі невялікая, але знакавая частка калекцыі – вытанчаныя фарфоравыя скульптуры, якія адлюстроўваюць шматграннасць свету мастацтва: вобразы вакальных выканаўцаў, музыкантаў, танцораў, балерын, артыстаў цырка, кіно і тэатра. Дапаўняе экспазіцыю серыя бюстаў выдатных дзеячаў культуры і мастацтва. Усе творы адносяцца да сярэдзіны XX стагоддзя і створаны на прадпрыемствах СССР і замежных краін.
Выставы калекцыі Віктара Суворава неаднаразова праходзілі на музейных пляцоўках Мінска: у Мастацкай галерэі Міхаіла Савіцкага, Музеі гісторыі тэатральнай і музычнай культуры, гасцёўні Уладзіслава Галубка, Нацыянальнай бібліятэцы Беларусі, Нацыянальным банку Рэспублікі Беларусь.
Запрашаем усіх знаўцаў мастацтва пазнаёміцца з гэтай унікальнай калекцыяй і адкрыць для сябе асаблівы свет фарфору!
Урачыстае адкрыццё выставы 14 сакавіка а 17-й гадзіне.
