Прадстаўленая ў экспазіцыі творчасць кыргызскіх мастакоў – усяго 30 твораў у тэхніцы алейнага і акрылавага жывапісу (нацюрморты, пейзажы, партрэты, жанравыя карціны) прадэманструе ўвесь спектр мастацкай індывідуальнасці сучаснага кыргызскага выяўленчага мастацтва.
Дні культуры Кыргызскай Рэспублікі - значная падзея, накіраваная на ўмацаванне сяброўства і культурнага абмену паміж Кыргызстанам і Беларуссю. У яе межах пройдуць розныя мерапрыемствы, якія прадэманструюць самабытную культуру і традыцыі Кыргызстана, прапаноўваючы гледачу ўнікальную магчымасць убачыць традыцыйнае і сучаснае мастацтва краіны, якое адлюстроўвае яе багатую культурную спадчыну.
Дні культуры Кыргызскай Рэспублікі ў Рэспубліцы Беларусь - падзея, якая дазволіць паглыбіць культурныя сувязі, спрыяючы абмену ідэямі і поглядамі на будучыню, супрацоўніцтва паміж дзвюма краінамі.
