Выстава прысвечана 80-ці годдзю вызвалення РэспублікіБеларусь ад нямецка-фашысцкіх захопнікаў. На ёй прадстаўлены жывапісныя работыбеларускіх мастакоў XXстагоддзя. Карціны В. Волкава, Я. Зайцава, Н. Воранава і інш. аб'ядноўвае патрыятызм і гонар за мужныя подзвігі беларускага народа.
Гаворачы пра Беларусь у такі перыяд, хочацца ўспамінаць не толькі людзей, але і тое, дзеля чаго ўсе змагаліся.Дзеля зямлі, дзеля захавання нашых прыродных каштоўнасцяў. У многіх жывапісцаўвобраз Радзімы асацыюеццаз апяваннем беларускай прыроды. Пейзажны і бытавы жывапіс на выставе прадстаўлена творамі П. Гаўрыленка, І. Ахрэмчыка, В. Цвіркі і інш.
Перамогу і незалежнасць сваёй Радзімы беларусы аплацілі крывёю – кожны трэці жыхар рэспублікі загінуў за яе вызваленне. Таму мы, як ніхто іншы, шануем мір і бяспеку, сямейны дабрабыт і ўпэўненасць у заўтрашнім дні.
