У экспазіцыі “Кветкі – паэзія любові” прадстаўлены жывапісныя творы вядомыхрускіх і беларускіх мастакоў другой паловыXIX–ХХ стст., сярод якіх А. Станкевіч, В. Бялыніцкі-Біруля, В. Волкаў, А. Герасімаў, А. Гугель, С. Жукоўскі, М. Кузняцоў, І. Машкоў, Ф. Мадораў і інш.
У нацюрморце і пейзажы мастакі кажуць пра прыгажосцьсвету, зменлівасць навакольнага асяроддзя і мімалётнасць быцця. Кветка ў мастацтве мяжы XIX–XX стагоддзяў перастае быць дэкаратыўным матывам і паўстае як самастойны «персанаж» карціны.
Рускі нацюрморт пачатку XX стагоддзя – гэта час авангардных эксперыментаў, насычаных колераў і павышанай экспрэсіі. Беларускі нацюрморт у гэтыя гады развіваўся ў рэалістычнай традыцыі, аддаючы перавагу лірычнасці, больш прыглушанаму каларыту і адлюстраванню нацыянальнай ідэнтычнасці.
Букет кветак міжволі з’яўляецца сведкам шчырай гутаркіза кубачкам гарбаты на “Сямейным партрэце” Аляксандра Герасімава; цыкламены Вітольда Бялыніцкага-Бірулі ў вазонах падобныя на родных сясцёр, што назіраюць за зімовым краявідам за акном; настуркі і каралевы кветак – ружы – ўпрыгожваюць інтэр’еры Станіслава Жукоўскага.
Запрашаем акунуцца ў атмасферу арыстакратычнай сядзібы, пачуць паэзію любові і ўбачыць разнастайнасць сюжэтаў і кветак, маляўніча адлюстраваных майстрамі нацюрморта.
Куратар выставы – Наталля Анатольеўна Родзіна,малодшы навуковы супрацоўнік філіяла.
Уваход на выставу па білеце ў музей.
Даведкі па тэл. (017) 358-88-78.
Адрас: вул. Інтэрнацыянальная, 33а.
