XXIІ Міжнародная навукова-практычная канферэнцыя «Аладаўскія чытанні – 2024»
23 мая ў Нацыянальным мастацкім музеі Рэспублікі Беларусь прайшла XXІІ Міжнародная навукова-практычная канферэнцыя «Аладаўскія чытанні - 2024», якая прысвечана 85-годдзю з дня заснавання Нацыянальнага мастацкага музея Рэспублікі Беларусь і 80-годдзю вызвалення Беларусі ад нямецка-фашысцкіх захопнікаў.
З прывітальным словам да ўдзельнікаў канферэнцыі перад пачаткам пленарнага пасяджэння звярнулася першы намеснік генеральнага дырэктара па навуковай, міжнароднай і асветніцкай рабоце Нацыянальнага мастацкага музея Рэспублікі Беларусь Кузьміна Вікторыя Аляксандраўна. У пленарным пасяджэнні выступіла дырэктар Новасібірскага дзяржаўнага мастацкага музея Болдырава Кацярына Валянцінаўна.
Працу канферэнцыі працягнулі паседжанні двух секцый: «Ад музейнага прадмета да калекцыі: рэстаўрацыя, атрыбуцыя, інтэрпрэтацыя» і «Музей і грамадства. Стратэгіі камунікацыі ХХІ стагоддзя».
У канферэнцыі з дакладамі прынялі ўдзел мастацтвазнаўцы, музеязнаўцы, рэстаўратары, гісторыкі, культуролагі.
Бліжэйшыя парковачныя месцы знаходзяцца ўздоўж вул. Карла Маркса (паркоўка платная)
Ці можна знаходзіцца ў музеі ў верхнім адзенні?
Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.
З якімі рэчамі знаходзіцца ў музейных залах нельга?
Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.
Ці можна наведваць экспазіцыю музея з дзіцячай каляскай?
Так, мы рады наведвальнікам узроставай катэгорыі 0+.
Ці ёсць зніжкі на набыццё ўваходнага білета для пенсіянераў?
Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца.
Якія ўмовы створаны для наведвання людзей з абмежаванымі магчымасцямі?
Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63, +375 25 667 78 19.
У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.
Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.
Як мне трапіць на экскурсію?
У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).
Запісвацца неабходна як мінімум за тыдзень да меркаванага візіту па тэлефонах: +375 17 397 01 63, +375 25 667 78 19.
У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.
Сайт выкарыстоўвае cookies. Працягваючы праглядаць старонкі, вы даяце згоду на апрацоўку файлаў cookie і карыстальніцкіх дадзеных.
