Заўтра я ўспомню

Нацыянальны мастацкі музей Рэспублікі Беларусь сумесна з Акадэміяй фатаграфіі BFA і інвестыцыйнай кампаніяй “Айгеніс” запрашаюць Вас на выніковую падзею першага фотаконкурсу сезона – “Заўтра я ўспомню”.

Праект створаны з мэтай падтрымкі і прасоўвання маладых аўтараў, фарміравання прафесійнай супольнасці і развіцця фатаграфічнага дыскурсу ў Беларусі.

У прасторы музея будзе адкрыта выстава фіналістаў – аўтараў, чые работы ўвайшлі ў кароткі спіс па выніках экспертнага адбору.

Экспазіцыя аб’ядноўвае розныя падыходы да асэнсавання тэмы памяці і часу, дзе асабісты вопыт становіцца зыходным пунктам мастацкага выказвання.