Навукова-фондавы аддзел

тэл. +375 17 358-92-46. Супрацоўнікі: +375 17 358-86-93; +375 17 358-77-14; +375 17 363-69-94

У пастаяннай экспазіцыі прадстаўлены найболей каштоўныя, значныя творы, але гэта толькі невялікая частка музейнага збору. Астатнія экспанаты знаходзяцца ў запасніках, дзе захоўваюцца па відах матацтва: жывапіс, скульптура, графіка, дэкаратыўна-прыкладное мастацтва. Запаснікі існуюць з дня заснавання музея. Пакуль збор быў не вельмі вялікім, фондавай работай займаўся толькі адзін супрацоўнік – галоўны захавальнік. Імя першага захавальніка даваеннага збору Дзяржаўнай карціннай галерэі БССР гісторыя, на жаль, не захавала. У 1944 годзе захавальнікам адноўленай пасля вайны карціннай галерэі была Вольга Абрамаўна Баравік, з 1945 па 1959 гады фонды ўзначальваў галоўны захавальнік Пётр Мікалаевіч Герасімовіч, яго змяніў Аляксандр Іванавіч Сакалоў. Па меры пашырэння калекцыі ўзнікла неабходнасць у стварэнні аддзела навукова-фондавай работы, які сфарміраваўся ў 1970-я гады. Гэтым аддзелам паслядоўна кіравалі Канстанцін Іванавіч Федарышкін і Мікалай Міхайлавіч Паграноўскі. З 2004 года галоўным захавальнікам музея стала Ала Васільеўна Чайкоўская, якая працуе ў музеі з 1980 года. З 2013 года галоўным захавальнікам музея стала Таццяна Сяргееўна Мартуль. З 2015 года галоўным захавальнікам стаў Дзмітрый Аляксеевіч Моніч. З 2018 года галоўны захавальнік - Мальгіна Марына Леанідаўна.

Фонды музея налічваюць 30 000 адзінак захоўвання і дзеляцца на калекцыі старажытнабеларускага мастацтва, беларускага, рускага і замежнага жывапісу, скульптуры, графікі, дэкаратыўна-прыкладнога мастацтва. Нараўне з улікам і захоўваннем твораў супрацоўнікі ўдзельнічаюць у працы па складанні навуковых каталогаў, з’яўляюцца аўтарамі некаторых з іх. У 1970–1990-х гадах былі выдадзены каталогі старажытнабеларускага тэмпернага жывапісу і драўлянага разьбярства, беларускай скульптуры, рускага жывапісу і традыцыйных тканін. Падрыхтаваны да друку каталогі калекцый беларускай друкаванай графікі, еўрапейскай скульптуры, кітайскага фарфору, рускай металапластыкі. Рыхтуюцца да выдання каталогі беларускага жывапісу, рускага фарфору, фаянсу. Ідзе работа над каталагізацыяй збораў еўрапейскай і рускай графікі, беларускага экслібрыса, еўрапейскага фарфору і фаянсу, беларускага шкла ХХ ст., кітайскай народнай карцінкі, беларускай традыцыйнай керамікі, рускага абраза. У сувязі з паступленнямі новых экспанатаў наспела неабходнасць у выданні іншых тамоў калекцый традыцыйнага беларускага ткацтва, старажытнабеларускай драўлянай пластыкі і тэмпернага жывапісу, беларускай скульптуры ХХ стагоддзя.

частыя пытанні
Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці ёсць у музеі wi-fi?

Так, на першым паверсе галоўнага корпуса можна падключыцца да бясплатнага wi-fi, кропка доступу Artmuseum.by free wi-fi

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе габарытныя сумкі, заплечнікі, пакеты, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. Звярніце ўвагу на тое, што на першым паверсе музея размешчана толькі 5 выставачных залаў. Для таго каб наведаць іншыя – неабходна падняцца па лесвіцы.

Новы корпус – гэта дзе?

Новы корпус – усё той жа будынак па вул. Леніна, 20. Трапіць у экспазіцыі новага корпуса можна праз галоўны ўваход у музей. У залах рускага мастацтва ёсць пераход у новыя залы, якія былі прыбудаваны да асноўнага будынка ў 2006 годзе.

Ці ёсць у музеі ліфт?

На жаль, у музеі няма ліфта. Галоўны будынак музея быў пабудаваны ў 1957 годзе, і ліфт не быў прадугледжаны ў архітэктурным праекце.

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро па гарадскім нумары: 397-01-63 альбо 342-87-87.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Апошняя серада месяца – дзень ільготнага наведвання. Уваходны білет у апошнюю сераду кожнага месяца складае 4 руб. для дарослых, 2 руб. для школьнікаў і студэнтаў дзённай формы навучання.

Ці ёсць зніжкі на набыццё ўваходнага білета для пенсіянераў?

На жаль, ільготы для людзей пенсійнага ўзросту ў музеі не прадугледжаны.

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па гарадскім тэлефоне: 397-01-63. У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.

Падрабязная афіша ўсіх падзей публікуецца ў раздзеле “Навіны”.

  • Мінск
    вул. Леніна, 20

  • Панядзелак - серада, пятніца - нядзеля:

    11:00 - 19:00

  • Чацвер:

    13:00 - 21:00

  • Аўторак:

    Выходны дзень

  • Мінск
    вул. Інтэрнацыянальная, 33А

  • Аўторак - субота:

    10:00 - 18:00

  • Нядзеля - панядзелак:

    Выходныя дні

  • Астрашыцкі гарадок
    с/к "Раўбічы"

  • Серада - нядзеля:

    10:00 - 17:00

  • Панядзелак - аўторак:

    Выходныя дні

  • Магілёў
    вул. Ленінская, 37

  • Серада - нядзеля:

    11:00 - 18:00

  • Панядзелак - аўторак:

    Выходныя дні