Філіял Нацыянальнага мастацкага музея Рэспублікі Беларусь «Музей В.К. Бялыніцкага-Бірулі» запрашае 14 кастрычніка ў 17.00 на тэматычнае мерапрыемства, прысвечанае Дню маці, – «Песню Мацярынству…».
У гэты дзень у Рэспубліцы Беларусь адзначаецца таксама хрысціянскае свята - Пакроў Прасвятой Багародзіцы.
У рамках мерапрыемства адбудзецца лекцыя, падчас якой Вы даведаецеся пра хрысціянскія, народныя старажытнаславянскія і свецкія традыцыі гэтых святаў, з дапамогай мультымедыйнай прэзентацыі пазнаёміцеся з сусветнымі і айчыннымі шэдэўрамі, прысвечанымі жаночым вобразам (прадстаўлены абразы і карціны з фондаў НММ РБ, іншых музеяў свету).
Віншуем усіх мам са святам, веруючых людзей - з Пакровай!
