8 кастрычніка (субота) а 15-й гадзіне запрашаем на творчую вечарыну Экзаршага інклюзіўнага хору БПЦ “Радасць душы”.
Калектыў выканае свецкую і духоўную музыку кампазітараў-класікаў, сучасных беларускіх кампазітараў, а таксама апрацоўкі народных песень.
“Радасць душы”– гэта ўнікальны праект, што аб’ядноўвае больш за 50 удзельнікаў, палова з якіх – дзеці, моладзь і дарослыя з абмежаванымі магчымасцямі здароўя. Дзякуючы адукацыйнай, канцэртнай і асветніцкай дзейнасці ствараюцца роўныя ўмовы для навучання незалежна ад стану здароўя, фарміруецца безбар’ернае асяроддзе і актыўна транслюецца вопыт інклюзіўнай адукацыі ў Беларусі і за мяжой.
Кіраўнік хору – Алена Маслава.
Папярэдняя рэгістрацыя на канцэрт не патрабуецца.
Наведаць яго можна па ўваходным білеце ў галоўны корпус музея (Леніна, 20).
