З 1 верасня стартуе прыём заявак для аўтараў з Беларусі ў рамках новага праекта ад Мастацкага музея “МАСТАЦКІ: ЛАБАРАТОРЫЯ”. Работы фіналістаў стануць часткай часовай экспазіцыі, якая адбудзецца ў Нацыянальным мастацкім музеі Рэспублікі Беларусь.
Тэма: візуальныя даследаванні паэтыкі “патоку” ў любой інтэрпрэтацыі: ад агульнага філасофскага паняцця да лічбавых рэалій існавання чалавека ў свеце бесперапыннага патоку даных.
Гатовы ўвасобіць свае ідэі ў рэальнасць? Дасылайце праекты да 1 лістапада.
КАТЭГОРЫІ РАБОТ
Відэаарт, інтэрактыўныя і мультымедыйныя інсталяцыі, AR/VR, генератыўная графіка, саўнд-арт, сеткавае мастацтва і іншыя формы твораў, пабудаваныя на аснове лічбавых тэхналогій.
ТЭХНІЧНЫЯ ПАТРАБАВАННІ
Работы павінны быць адаптаваныя для дэманстрацыі ў музейных залах. Прыярытэт аддаецца праектам са сваім тэхнічным рашэннем або мінімальнымі патрабаваннямі да апаратуры (наяўнасць убудаванага гуку, работа са стандартнымі праектарамі, экранамі і г. д.).
ТЭРМІНЫ
- Прыём заявак: 1 верасня – 1 лістапада 2026 года.
- Адбор фіналістаў: 1–10 лістапада 2026 года.
- Дадзеныя рэсурсы: пляцоўка НММ РБ, базавае тэхнічнае абсталяванне пляцоўкі, інфармацыйнае суправаджэнне праекта.
Падача заяўкі: бясплатная.
ПАРАДАК ПАДАЧЫ ЗАЯЎКІ
Заяўкі прымаюцца ў электронным выглядзе. Пакет дакументаў уключае:
- Анкету ўдзельніка (прозвішча, імя, імя па бацьку; кантакты; горад).
- Партфоліа/CV (спасылка на воблака, персанальны сайт, сацсеткі).
- Апісанне праекта для часовай экспазіцыі “Паток” (канцэпцыя, эскізы/рэндары, відэа-эксплікацыя).
- Тэхнічны пашпарт (райдар) з дакладным пералікам неабходнага абсталявання.
Заяўкі дасылаць на электронную пошту: belarusianart20-21@artmuseum.by з паметкай “часовая экспазіцыя “Паток”.
Куратар праекта: Кацярына Калянкевіч (Інстаграм: @kategreece)
