Хто сказаў, што лістапад – шэрая пара? Развеяць стэрэатыпы дапаможа выстава Дар’і Карпавай “Вітамін Ж(ывапіс(”, якая адкрылася сёння ў Мастацкім.
Дар’я Карпава–маладая, таленавітая мастачка, фатограф, дызайнер. З канца 2000-х яна працуе ў напрамку фуд-арт (фота прадуктаў харчавання), гэта захапленне неўзабаве стала вядучым і ў жывапісных працах. Па сваім змесце яе нацюрморты далёкія ад класічных: як правіла, у карціне прысутнічае толькі адзін від гародніны, садавіны, ягада бо зусім адзін аб’ект. Прадстаўленая выстава–гэта пошук новых форм і спалучэнняў колераў і фактур, небанальных поглядаў на звыклыя рэчы.
На сённяшні дзень карціны Дар’і Карпавай знаходзяцца ў прыватных калекцыях і музеях як у Беларусі, так і за яе межамі. У экспазіцыі прадстаўлена 19 жывапісных работ, створаных за апошнія гады.
