Канцэрт у Нацыянальным мастацкім музеі Рэспублікі Беларусь адзначыць адкрыццё фестывалю, які праводзіць Беларуская дзяржаўная акадэмія музыкі сумесна з Рэспубліканскай гімназіяй-каледжам пры Беларускай дзяржаўнай акадэміі музыкі пры падтрымцы Міністэрства культуры Рэспублікі Беларусь і спецыяльнага фонду Прэзідэнта Рэспублікі Беларусь па падтрымцы таленавітай моладзі.
Незабыўнае выступленне студэнцкага камернага аркестра падорыць наведвальнікам шчырую радасць і ўсхваляванне, ушануе светлы Вялікдзень. Святочныя мелодыі аб'яднаюць прысутных у патоку невычэрпнай энергіі музыкі, далучаць да вечных духоўных каштоўнасцей нацыянальнага і сусветнага музычнага мастацтва.
Наведаць канцэрт можна па ўваходным білеце ў музей (галоўны корпус, Леніна, 20; сяродкрыжжа). Папярэдняя рэгістрацыя не патрабуецца.
