16 кастрычніка ў Мастацкім музеі адбылося ўрачыстае адкрыццё выставы трыпціха Генадзя Сухамлінава "Сусветная любоў"!
Гасцей прывітала генеральны дырэктар Нацыянальнага мастацкага музея Рэспублікі Беларусь Ганна Конанава.
Прыемным падарункам для гледачоў стала чытанне вершаў паэткай, журналістам, перакладчыкам Валянцінай Паліканінай. Генадзь
Сухамлінаў, мастак, педагог, акадэмік Міжнароднай Кірыла-Мяфодзіеўскай акадэміі славянскай асветы прэзентаваў сваю працу прысутным з урачыстай прамовай.
Адкрыццё выставы адзначыла выступленне Мітрапалічага хору Мінскага кафедральнага сабора Святога Духа. Дзякуем за цудоўны музычны падарунак!
Запрашаем у Мастацкі музей пазнаёміцца з працай, якая вылучае святло і любоў, да 23 лістапада 2025 года.
Падзеі
Акцыя "Усёй сям'ёй у музей!"
Нацыянальны мастацкі музей Рэспублікі Беларусь
Тэматычнае мерапрыемства "Песня Мацярынству..."
Музей В.К. Бялыніцкага-Бірулі
Канцэрт “Хваліце імя Гасподняе!”
Нацыянальны мастацкі музей Рэспублікі Беларусь
Тэматычны дзень «Сямейны выходны ў музеі»
Музей Дом Ваньковічаў
частыя пытанні
Дзе я магу прыпаркаваць аўтамабіль?
Бліжэйшыя парковачныя месцы знаходзяцца ўздоўж вул. Карла Маркса (паркоўка платная)
Ці можна знаходзіцца ў музеі ў верхнім адзенні?
Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.
З якімі рэчамі знаходзіцца ў музейных залах нельга?
Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.
Ці можна наведваць экспазіцыю музея з дзіцячай каляскай?
Так, мы рады наведвальнікам узроставай катэгорыі 0+.
Ці ёсць зніжкі на набыццё ўваходнага білета для пенсіянераў?
Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца.
Якія ўмовы створаны для наведвання людзей з абмежаванымі магчымасцямі?
Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63, +375 25 667 78 19.
У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.
Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.
Як мне трапіць на экскурсію?
У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).
Запісвацца неабходна як мінімум за тыдзень да меркаванага візіту па тэлефонах: +375 17 397 01 63, +375 25 667 78 19.
У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.
Сайт выкарыстоўвае cookies. Працягваючы праглядаць старонкі, вы даяце згоду на апрацоўку файлаў cookie і карыстальніцкіх дадзеных.
