Беларуская скульптура XVII–XVIII стст.

Беларуская скульптура XVII–XVIII стст.

Нацыянальны мастацкі музей Рэспублікі Беларусь Выставачны корпус

26 студзеня а 17-й гадзіне ў выставачным корпусе Нацыянальнага мастацкага музея Рэспублікі Беларусь (вул. Карла Маркса, 24) пачне працу выстава “Беларуская скульптура XVII–XVIII стст.”, на якой прадстаўлены больш за 80 помнікаў культавай драўлянай скульптуры і разьбы з фондаў музея, створаных на працягу першай паловы XVII – канца XVIII ст.

Экспанаты паходзяць з розных рэгіёнаў краіны і сведчаць пра высокі прафесійны ўзровень развіцця скульптуры на ўсёй тэрыторыі Беларусі. Менавіта ў акрэслены перыяд культавая разьбяная скульптура сфарміравалася як значная з’ява ў беларускім мастацтве, атрымала шырокае распаўсюджанне і дасягнула росквіту ў асяродку каталіцкага касцёла, а таксама знайшла месца ў аздабленні цэркваў усходне-хрысціянскіх канфесій. У праваслаўнай царкве ў XVII–XVIII стст. высокага мастацкага ўзроўню дасягнула арнаментальная разьба па дрэве, таксама прадстаўленая ўвазе гледача.

Некаторыя творы ўпершыню дэманструюцца шырокай публіцы: фігуры Арханёлаў з Пінска, святы Войцех з Гродна, святы біскуп Рыма з Шарашова, апостал Павел з Росі і інш. Пасля завяршэння працяглай рэстаўрацыі экспануецца Укрыжаванне з Лаўрышава. Для многіх твораў былі ўдакладнены атрыбуцыйныя звесткі (апостал Ян і Дзева Марыя з кампазіцыі “ўкрыжаванне з прадстаячымі” з Шарашова, святы Амброзій са Слоніма, комплекс скульптур з Магілёўшчыны і інш.). 

Выстава з’яўляецца вынікам працяглай працы па збіранні, рэстаўрацыі і вывучэнні надзвычай рэпрэзентатыўнай калекцыі старажытнабеларускай скульптуры Нацыянальнага мастацкага музея Рэспублікі Беларусь.

Куратар – Станіслаў Чавус, вядучы навуковы супрацоўнік аддзела старажытнабеларускага мастацтва

іншыя выставы
Рыгор Віткоўскі. Шчыра пра важнае
Рыгор Віткоўскі. Шчыра пра важнае

Нацыянальны мастацкі музей Рэспублікі Беларусь

Сябры. Партрэт Любачкі з сабакам
Сябры. Партрэт Любачкі з сабакам

Нацыянальны мастацкі музей Рэспублікі Беларусь

Краіна перамог
Краіна перамог

Нацыянальны мастацкі музей Рэспублікі Беларусь

Выстава твораў жывапісу, графікі, скульптуры да Дня пагранічніка
Выстава твораў жывапісу, графікі, скульптуры да Дня пагранічніка

Нацыянальны мастацкі музей Рэспублікі Беларусь

  • 220030, Мінск
    вул. Леніна, 20

  • панядзелак, серада, пятніца - нядзеля

    з 11:00 да 19:00

  • чацвер

    з 13:00 да 21:00

  • аўторак

    выходны дзень

  • Каса і Музейная крама

  • панядзелак, серада, пятніца - нядзеля

    з 11:00 да 18:30

  • чацвер

    з 13:00 да 20:30

  • аўторак

    выходны дзень

  • 223054, Мінская вобласць, Мінскі раён, Астрашыцка-Гарадоцкі в/с, в. Аколіца
    вул. Іванаўская, 17Б

  • серада - нядзеля

    з 10:00 да 17:00

  • Каса

    з 10:00 да 16:30

  • панядзелак - аўторак

    выходныя дні