20 ліпеня ў 17:30 у Мастацкім пройдзе лекцыя "Станіслаў Жукоўскі: чаму геній не стаў класікам".
Станіслаў Жукоўскі – бліскучы жывапісец пачатку ХХ стагоддзя. Яго віртуозныя, лёгка напісаныя пейзажы і інтэр'еры склалі жывапісную энцыклапедыю сядзібнага жыцця таго перыяду. Аднак з-за шэрагу прычын майстар не ўвайшоў у спіс геніяльных мастакоў і да пачатку 1970-х амаль не ўзгадваўся.
Чаму Жукоўскі не быў упісаны ў лік мастакоў першага шэрагу? Ці можа прастора стаць тэкстам і быць успрынятай як паведамленне?
Якой была карціна свету Станіслава Жукоўскага, якія сэнсы фармулюе прастора яго пейзажаў і чым яны актуальныя сёння – пра гэта на лекцыі мастацтвазнаўцы, вядучага навуковага супрацоўніка Нацыянальнага мастацкага музея Юліі Лісай.
Наведаць лекцыю можна па ўваходным білеце ў галоўны корпус музея.
Папярэдняя рэгістрацыя не патрабуецца.
