У экспазіцыйнай прасторы будуць прадстаўлены чатыры дзясяткі твораў беларускага, рускага і заходнееўрапейскага жывапісу на тэму Старога і Новага запавету Бібліі, а таксама хрысціянскіх святых.
Алтарныя палотны, абразы і гістарычныя карціны мастакоў розных краін і розных часоў ілюструюць знамянальныя падзеі і выбітных асоб, якія ўвайшлі ў Вялікую Гісторыю Чалавецтва. У Бібіліі гісторыя жыцця патрыярхаў Старога Запавету, апосталаў, сведкаў Евангелля і самога Хрыста пададзена вельмі сцісла і сканцэнтравана на лёсавызначальных падзеях – менавіта гэтыя моманты Святога Пісання напрацягу стагоддзяў з’яўляліся аднымі з цэнтральных сюжэтаў у мастацтве хрысціянскіх краін.
На выставе прадстаўлены жывапісныя творы розных мастацкіх школ і эпох з калекцыі Нацыянальнага мастацкага музея Рэспублікі Беларусь.
