17 снежня а 17-й гадзіне адбудзецца канцэрт ансамбля музыкі барока Nota Bene “Гендэль”.
На канцэрце вы зможаце атрымаць асалоду ад прыгажосці музыкі барока. Гэтая эпоха, якая ў гісторыі пазначана як “новы час”, была поліфанічнай, насычанай падзеямі, думкамі, ідэямі, супярэчнасцямі. У гэты перыяд духоўнае жыццё становіцца рухомым і інтэнсіўным.
У праграме канцэрта можна будзе пачуць творы кампазітара Георга Фрыдрыха Гендэля, якія па праве лічацца шэдэўрам музыкі эпохі барока. Інструментальная музыка кампазітара цікавая сваёй шматжанравасцю: Гендэль спалучаў у сваёй творчасці вопыт англійскіх, італьянскіх, нямецкіх кампазітараў.
Канцэрт пройдзе ў галоўным корпусе музея (Леніна, 20).
Наведаць мерапрыемства можна па ўваходным білеце ў галоўны корпус музея. Папярэдняя рэгістрацыя не патрабуецца.
