24 чэрвеня а 15-й гадзіне ў Мастацкім музеі пройдзе канцэрт заслужанага аматарскага калектыву Рэспублікі Беларусь, народнага інструментальнага ансамбля “Ронда”.
У складзе калектыву – трыа інструменталістаў, настаўнікаў Дзіцячай музычнай школы мастацтваў № 1 г. Брэста: Сяргей Літвінчук (баян), Мікіта Монін (балалайка) і Валерый Ціхоўскі (кантрабас).
“Ронда” быў створаны ў 2002 годзе. У рэпертуар ансамбля ўваходзяць творы замежнай і рускай класікі, сучасных кампазітараў, апрацоўкі народных песень і танцаў.
Канцэрт пройдзе ў галоўным корпусе Мастацкага.
Наведаць яго можна па ўваходным білеце ў музей.
