25 чэрвеня ў рамках выставачнага праекта “Уладзімір Садзін. Мастацтва падарожнічаць” адбудзецца “Арт-барахолка ў Мастацкім” сумесна з Офістон Сreation.
Падарожжа – гэта заўсёды пра іншыя культуры, вулічных музыкантаў, натоўпы людзей, сувенірныя крамы, блышыныя рынкі і многае іншае. І вось што вас чакае:
- 13:00 – экскурсія па выставе “Уладзімір Садзін. Мастацтва падарожнічаць” ад куратара Дзіяны Шантар.
Па папярэднім запісе, кошт білета 10 руб., для трымальнікаў карты госця НММ РБ – 2 руб.
Зарэгістравацца- 14:00–16:00 – арт-барахолка ў сяродкрыжжы музея, дзе вы зможаце адпусціць нудныя мастацкія матэрыялы ў далейшае падарожжа, вызваліць месца для новых пачынанняў; прынесці і абмяняць на нешта не зведанае раней; знайсці неабходныя матэрыялы для творчасці.
Наведванне мерапрыемства без папярэдняга запісу па ўваходным білеце ў музей.
- 16:00 – тэатральны паказ Bonjour, Monsieur Jean de La Fontaine? у пастаноўцы МГА “Тэатро” Спектакль, арганізаваны ў рамках выставачнага праекта “Уладзімір Садзін. Мастацтва падарожнічаць”, дазволіць паглыбіцца ў атмасферу Францыі і пазнаёміцца з творчасцю выбітнага байкапісца Жана дэ Лафантэна. З імправізаванай музейнай сцэны ў выкананні беларускіх і французскіх акцёраў прагучаць байкі Лафантэна і Крылова. Рэжысёр – Святлана Навуменка (Рэспубліканскі тэатр беларускай драматургіі). Мастацкі кіраўнік – Ігар Пятроў. Ролі выконваюць: Ганна Рогава, Гіём Бра, Анур Кос, Марго Інэста.
Наведванне мерапрыемства без папярэдняга запісу па ўваходным білеце ў музей.
