23 красавіка (серада) 2025 года ў 16:00 запрашаем на канцэрт-экзамен студэнтаў магістратуры кафедры спеваў і музычна-тэатральнага мастацтва Беларускай дзяржаўнай акадэміі музыкі.
Студэнты з Кітайскай Народнай Рэспублікі прадставяць для гледачоў Нацыянальнага мастацкага музея Рэспублікі Беларусь разнастайную праграму, у якой сабралі творы беларускіх, кітайскіх і замежных кампазітараў. У выкананні Аа Вэйхань, Лі Ко, У Цзяхаа, Чан Шэньфань, Ху Сяоюэ, Ван Біньжуй прагучаць "У крыві гарыць агонь жадання" Міхаіла Глінкі, "De miei bollenti spiriti" з оперы "Травіята" Джузэпэ Вердзі, "Песня пра дом" Ся Чжыцю. Прысвяціце вечар мастацтву ў Мастацкім музеі!
Наведаць канцэрт можна па ўваходным білеце ў музей (галоўны корпус, Леніна, 20; сяродкрыжжа). Папярэдняя рэгістрацыя не патрабуецца.
