1 красавіка а 14-й гадзіне пройдзе лекцыя «Мемарыяльны комплекс “Хатынь”. Гісторыя стварэння. Разбурэнне стэрэатыпаў».
Мемарыял сучасны і непаўторны праз 50 гадоў пасля адкрыцця ў 1969 годзе. Яго архітэктура аб’яднала гісторыю, скульптуру, літаратуру і ландшафты, тым самым адкрыўшы новыя магчымасці ў мастацтве.
На лекцыі мы пагаворым аб тым, якія мемарыялы ствараліся ў 1960-х і чаму архітэктура ансамбля “Хатынь” увайшла ў спіс сусветных помнікаў культуры. Пазнаёмімся з унікальнымі дзённікамі архітэктара Леаніда Левіна і пройдзем частку шляху архітэктараў, якія стварылі мемарыял “Хатынь”.
Лекцыю чытае лаўрэат дзяржаўнай прэміі Рэспублікі Беларусь, архітэктар, кіраўнік творчай майстэрні Леаніда Левіна Галіна Леанідаўна Левіна.
Наведаць мерапрыемства можна па ўваходным білеце ў галоўны корпус музей.
Папярэдняя рэгістрацыя не патрабуецца.
