Максім Лагун "Дзве грані"

 Максім Лагун "Дзве грані"

Нацыянальны мастацкі музей Рэспублікі Беларусь Галоўны корпус

1 красавіка ў Нацыянальным мастацкім музеі Рэспублікі Беларусь адкрылася выстава Максіма Лагуна “Дзве грані”, прымеркаваны да Сусветнага дня распаўсюджвання інфармацыі аб праблеме аўтызму.

Максім Лагун (2005 г.н.) – мастак, акцёр у Сямейным інклюзіў-тэатры “i”, выхаванец народнай арт-студыі “Востраў”, неаднаразовы лаўрэат і дыпламант рэспубліканскіх і міжнародных мастацкіх конкурсаў, аўтар комікса “Макс разбудзіў пчол” (2020).

“Дзве грані” – два напрамкі, у якіх Максіму ўдаецца знаходзіць сваю гармонію: гармонію паміж творчасцю і майстэрствам, а таксама магчымасцю іншага погляду на свет (погляд чалавека з аўтызмам).

У экспазіцыі будзе прадстаўлена больш за 40 графічных твораў.

Выстава пройдзе ў новым корпусе Нацыянальнага мастацкага музея Рэспублікі Беларусь (прыбудова да будынка па вул. Леніна, 20).

Работа выставы працягнецца 
да 25 красавіка 2022 года